Xaçmaz rayonunda kütləvi dava olub.

“Report”un məlumatına görə, hadisə Xaçmaz şəhərinə yaxın, ət kombinatı adlanan ərazidə baş verib.

Belə ki, bir neçə nəfər arasında yaranan mübahisə kütləvi dava ilə nəticələnib.

Hadisə zamanı səkkiz nəfər birləşərək iki qardaşı - 1989-cu il təvəllüdlü Yaqubov Tural Yaşar oğlunu və Yaqubov Anar Yaşar oğlunu döyüblər.

Xəsarət alan qardaşlar təcili tibbi yardımın köməkliyi ilə xəstəxanaya çatdırılıblar.

Hadisənin təfərrüatı araşdırılır.