Gəncədə qətl hadisəsi baş verib.
APA-nın məlumatına görə, hadisə şəhərin Ərdəbil küçəsində qeydə alınıb.
Şəhər sakini, 1990-cı il təvəllüdlü Həsənova Gülzar Vahid qızı bıçaq xəsarəti ilə xəstəxanaya yerləşdirilib, amma onun həyatını xilas etmək olmayıb.
G.Həsənovanın həyat yoldaşı, 1985-ci il təvəllüdlü Şabanov Sabir Əli oğlu tərəfindən qətlə yetirildiyi məlum olub.
S.Şabanovun qısqanclıq zəminində həyat yoldaşına bir neçə bıçaq zərbəsi vurduğu və onun artıq tutulduğu bildirilir.
Faktla bağlı Gəncə Şəhər Prokurorluğunda araşdırma aparılır.
