Masallı rayonunda fəhlə iş yoldaşını öldürüb.

Senzor.az bildirir ki, bu barədə rayon prokurorluğundan məlumat verilib.

Bildirilib ki, iyunun 8-də 1992-ci il təvəllüdlü Qadir Hüseynova rayon ərazisində xəsarət yetirilməsi və aldığı xəsarətdən ölməsi barədə rayon prokurorluğuna məlumat daxil olub.

Aparılan araşdırmalarla müəyyən edilib ki, zərərçəkmiş iş yoldaşı, 2002-ci il təvəllüdlü Hüseynxan Cəfərov tərəfindən, aralarında yaranmış mübahisə zamanı baş nahiyəsinə endirilən yumruq zərbəsi nəticəsində aldığı xəsarətdən ölüb.

Faktla bağlı Cinayət Məcəlləsinin 126.3-cü (Qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb.

Hüseynxan Cəfərov şübhəli şəxs qismində tutularaq istintaqa cəlb edilib.

Hazırda cinayət işi üzrə zəruri istintaq hərəkətləri davam etdirilir.