Türkiyəli bloqer Berkay Türkmenin sosial şəbəkələrdəki paylaşımları erməni ictimai rəyinə sanki od vurub.
Senzor.az yerli KİV-ə istinadən bildirir ki, jurnalistlər, ictimai xadimlər və sıravi sosial şəbəkə istifadəçiləri öz ölkələrinin kəşfiyyat orqanlarının uğursuzluğunu tənqid edərək həyəcan təbili çalırlar.
Erməni cəmiyyəti Berkay Türkmenin “Trabzonspor” futbol klubunun üstündə Türkiyə bayrağının təsviri olan formasında İrəvanda sərbəst şəkildə gəzməsinə qəzəblənib. Tsitsernakaberddə - "erməni soyqırımı" xatirə kompleksinin yanında Bloqerin Boz Qurdların simvolu olan işarəni göstərməsi isə, necə deyərlər, erməni epilepsiyasının apogeyi olub.
Sosial şəbəkələr “Bu bizim təhlükəsizliyimiz məsələsidir!”, “MTX hara baxır?” başlıqları ilə doludur.
Bloqerin İrəvandan çəkdiyi və sosial şəbəkələrdəki səhifələrində paylaşdığı kadrları təqdim edirik:
