Fransa rəhbərliyi Bakının hərəkətlərinin ikitərəfli münasibətlərə zərər verdiyini düşündüyü üçün ölkənin Azərbaycandakı səfirini məsləhətləşmələr üçün geri çağırmaq qərarına gəlib.

Senzor.az bildirir ki, Fransa Xarici İşlər Nazirliyinin çərşənbə axşamı yaydığı məlumatda belə deyilir.

Parisi narazı salan hərəkətlərlə bağlı təfərrüatlar açıqlanmayıb.

Fransa prezidenti Emmanuel Makronun artıq səfir Ann Boyon ilə görüş keçirdiyi vurğulanıb: "Respublika Prezidenti bu gün səfirimizi bu münasibətlə qəbul etdi. O, Azərbaycanın etdiklərindən təəssüfləndiyini bildirib və Azərbaycan tərəfinin öz niyyətlərinə aydınlıq gətirməsini arzulayıb. Fransa beynəlxalq hüquqa və iki ölkənin ərazi bütövlüyünə hörmət etməklə Azərbaycan və Ermənistan arasında münasibətlərin normallaşmasına dəstək verdiyini xatırladıb. Bu standartlaşma həm ölkələrə, həm də bütövlükdə regiona fayda verəcəkdir", - deyə nazirlik bildirib.

Senzor.az