Ermənistan Təhlükəsizlik Şurasının katibi Armen Qriqoryan Azərbaycanla sülh müqaviləsi imzalamaq üçün şərtləri açıqlayıb.Senzor.az bildirir ki, o, jurnalistlərə verdiyi açıqlamada rəsmi Bakı ilə sülh müqaviləsinin hazırlanması və imzalanması üçün bir sıra "şərtlər"in mövcud oluğunu deyib.
“Biz hərtərəfli sülh müqaviləsinin hazırlanması üzərində işi davam etdirəcəyik. Bunun üçün "Qarabağ problemi"nin danışıqlar və siyasi mexanizmlər yolu ilə həllini tapmalıyıq və bu ATƏT-in Minsk Qrupu həmsədrlərinin üçlüyü çərçivəsində baş tutmalıdır”,- deyə A.Qriqoryan vurğulayıb.
Xatırladaq ki, Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bir müddət əvvəl demişdi ki, potensial sülh müqaviləsinin imzalanması ilə bağlı Bakı İrəvandan cavab gözləyir: “Ermənistan regionda yaranmış yeni geosiyasi vəziyyəti düzgün qiymətləndirməli və nəticə çıxarmalıdır”.
