İyulun 2-də Amerika Erməni Milli Komitəsinin (ANCA) nümayəndə heyəti müvəqqəti olaraq Rusiya Sülhməramlı Kontingentinin yerləşdiyi Azərbaycan ərazisində olub və bir sıra, o cümlədən özünü "Dağlıq Qarabağın xarici işlər naziri"adlandıran David Babayanla görüşlər keçirib.

Senzor.az bildirir ki, bu barədə Ermənistan KİV- məlumat yayıb.

Erməni diasporunun üzvləri, həmçinin minalardan təmizləmə təşkilatı The HALO Trust-ın nümayəndələri ilə görüşüblər.

Məsələni Azərbaycan mediasında ilk olaraq qabarda haqqin.az portalı xatırladır ki, bu, sülhün qorunması və möhkəmləndirilməsi üçün Azərbaycan torpaqlarında olan Rusiya sülhməramlılarının xarici dövlətin vətəndaşlarını Azərbaycanın suveren ərazisinə maneəsiz buraxmaları ilə bağlı ilk hal deyil: “Belə ki, ötən il dekabrın sonunda Rusiya sülhməramlıları Respublikaçılar Partiyasından Fransa prezidentliyinə keçmiş namizəd Valeri Pekresin Azərbaycan ərazilərinə necə qanunsuz səfər etdiyini və bununla da Azərbaycanın suverenliyini necə pozduğunu “görməmişdilər”.

Və yenə sual yaranır: erməni diasporunun nümayəndələri Laçın dəhlizindən necə keçiblər və Rusiya sülhməramlıları ümumiyyətlə hara baxırlar?”.

Senzor.az