Rusiya Ukraynada hələ ciddi heç bir şeyə başlamayıb.
Senzor.az yerli KİV-ə istinadən bildirir ki, bunu Rusiya Prezidenti Vladimir Putin Dövlət Dumasının rəhbərliyi və fraksiya liderləri ilə görüşündə Ukraynada həyata keçirilən “xüsusi hərbi əməliyyat” haqda danışarkən deyib.
"Hamı bilməlidir ki, biz, ümumiyyətlə, hələ heç nəyə başlamamışıq", - deyə Rusiya lideri əlavə edib.
Eyni zamanda, Prezident qeyd edib ki, Rusiya sülh danışıqlarından imtina etmir, lakin vaxt uzandıqca, danışıqlar bir o qədər çətin olacaq.
O, həmçinin vurğulayıb ki, Qərbin “son ikraynalıya qədər” döyüşmək istəyi Ukrayna xalqı üçün böyük faciə vəd edir, amma görünür, bu qaçılmazdır: “Bu gün eşidirik ki, bizə döyüş meydanında qalib gəlmək istəyirlər. Nə demək olar? Qoy, yoxlasınlar. Biz artıq eşitmişik ki, Qərb bizimlə son ukraynalıya qədər döyüşmək istəyir. Bu, Ukrayna xalqı üçün faciədir. Amma deyəsən, hər şey buna doğru gedir. Ancaq hər kəs bilməlidir ki, biz böyük ölçüdə, ciddi şəkildə hər şeyə başlamamışıq”.
