Bu gün Heydər Əliyev Beynəlxalq Aeroportuna gələn sərnişinlər sıxlıqla üzləşiblər.
Senzor.az-ın məlumatına görə, buna səbəb Dövlət Sərhəd Xidmətinin (DSX) sistemində yaranan problem olub.
Belə ki, DSX-nın yoxlama məntəqələri aeroporta gələn şəxslərlə bağlı məlumatları elektron sistemə daxil edə bilmədiyindən insanlar gözləməyə məcbur olublar.
Bu da pasport yoxlama məntəqəsinin önündə uzun növbə yaradıb.
Dövlət Sərhəd Xidməti artıq məsələyə münasibət bildirib. Qeyd olunub ki, bu gün 16:15 radələrində pasport nəzarət sistemində problem yaranıb və vətəndaşların dövlət sərhədindən buraxılmasında ləngimələr olub.
“Aparılan işlər nəticəsində sistemdə olan problem 16:50-də aradan qaldırılıb. Hazırda vətəndaşların ölkədən çıxışında heç bir problem yoxdur”, - deyə DSX-dan bildiriblər.
