İyulun 13-də İkinci Qarabağ Müharibəsi iştirakçılarının bir qrupu parlamentin binası qarşısına gəlib.

Turan-ın məlumatına görə, onlar hüquqlarının təmin olunması və hökumətin müharibə iştirakçılarına dair qərarlarının həyata keçirilməsi üçün deputatlarla görüş tələb ediblər.

Onlar jurnalistlərlə söhbət zamanı hakimiyyəti müharibə iştirakçıları arasında intihar hallarının artması ilə bağlı lazımi tədbirlər görməyə çağırıblar.

Axar.az bildirir ki, aksiya zamanı deputatlarla görüş tələb edərək, şikayətlərinin dinlənilməsini istəyən müharibə iştirakçılarına polislərin rəftarı xüsusi diqqət çəkib. Belə ki, onlar veteranları nəzakətlə MM önünə buraxaraq, problemlərinin dnlənilməsi üçün yardım ediblər.

Amma tətil səbəbilə deputatlar orada olmadığından, müharibə iştirakçıları Prezident Administrasiyasına gediblər. Onların bir hissəsini Administrasiyada qəbul ediblər.