Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Şəmkir rayonu, Qasımalılar kəndində “INFINITI” və “Ford” markalı iki minik avtomobilinin toqquşması barədə məlumat daxil olub.
FHN-dən senzor.az-a verilən məlumata görə, Nazirliyin hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri “Ford” markalı minik avtomobilində sıxılı vəziyyətdə qalan 1954-cü il təvəllüdlü Qasımova Ofeliya Əliş qızının və 1961-ci il təvəllüdlü Tağıyeva Familə Bəhram qızının meyitlərini və müxtəlif xəsarətlər alan digər 2 nəfəri deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.
