Oktyabrın 9-da Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, lakin gündüzdən bəzi yerlərdə arabir yağış yağacağı gözlənilir. Axşam yarımadanın ayrı-ayrı yerlərində leysan xarakterli intensiv olacağı, şimşək çaxacağı ehtimalı var. Gecə və səhər bəzi yerlərdə duman olacaq. Şimal-şərq küləyi əsəcək.
Senzor.az bildirir ki, Milli Hidrometeorologiya Xidmətindən verilən məlumatda belə deyilir.
Qeyd olunub ki, havanın temperaturu gecə 15-17°, gündüz 19-23° isti olacaq. Atmosfer təzyiqi 767 mm civə sütunundan 764 mm civə sütununa enəcək, nisbi rütubət 70-80 % təşkil edəcək.
Azərbaycanın bəzi rayonlarında gecə və səhər, şərq rayonlarında isə gündüzdən ayrı-ayrı yerlərdə arabir yağış yağacağı gözlənilir. Müxtəlif yerlərdə qısamüddətli leysan xarakterli intensiv olacağı, şimşək çaxacağı, dolu düşəcəyi, axşam dağlıq ərazilərdə qara keçəcəyi ehtimalı var. Gecə və səhər bəzi yerlərdə duman olacaq. Şərq küləyi əsəcək.
Havanın temperaturu gecə 13-18°, gündüz 20-25°, dağlarda gecə 5-10°, gündüz 13-18° isti olacaq.
