Ötən ay sui-qəsd cəhdindən sonra sağalmaq üzrə olan Slovakiyanın Baş naziri Robert Fitso Avropa Parlamentinə seçkidə səs verib.
Bu barədə "Facebook" səhifəsində o özü yazıb.
Fitso xəstəxanada səs verdiyini bildirib.
"Biz müharibənin davam etdirilməsinə deyil, sülh təşəbbüslərini dəstəkləyəcək avropalı deputatlara səs verməliyik", - o vurğulayıb.
Xatırladaq ki, may ayının ortalarında sui-qəsd cəhdinə məruz qalan Slovakiyanın Baş naziri o vaxtdan bəri ilk müraciətini iyunun 5-də dərc edib və orada bir neçə həftədən sonra işə qayıtmaq niyyətini açıqlayıb.
