Ukrayna Silahlı Qüvvələrinin Baş Komandanı Oleksandr Sırski vəzifəsindən azad edilib. Müvafiq qərarı Prezident Volodimir Zelenski qəbul edib.
Senzor.az bildirir ki, bu barədə Ukrayna Prezidenti “Telegram” kanalında paylaşım edib.
Ukrayna Silahlı Qüvvələrinin Birləşmiş Qüvvələrinin Komandanı Mixaylo Drapatıy Oleksandr Sırskini Baş Komandan vəzifəsində əvəz edəcək.
Dövlət başçısı bildirib ki, bu gün Oleksandr Sırski, Andrey Qnatov və onunla birlikdə orduda xidmətin gələcək formatları və vəzifələrin düzgün ötürülməsi məsələləri müzakirə olunub.
Zelenski Sırskiyə Kiyevin müdafiəsi, Xarkov hücumu və Kursk əməliyyatları, eləcə də Ukraynanın müdafiəsinə verdiyi töhfələrə görə təşəkkür edib.
Prezident, həmçinin qeyd edib ki, Mixaylo Drapatıy, Yevqen Xmara və Pavlo Palisa ilə birlikdə Ukrayna Silahlı Qüvvələrinin Baş Qərargahının strukturunun yenilənməsi ilə bağlı qərarlar müəyyənləşdirilib.
Zelenski həmçinin bildirib ki, o, sabiq müdafiə naziri Fedorova dövlətin texnoloji komponentinin inkişafı ilə bağlı hökumətdə yeni vəzifə təklif edib.
