"Qarabağ" komandası yeni mövsüm üçün ikinci transferini reallaşdırıb.
Senzor.az klubun mətbuat xidmətinə istinadən bildirir ki, hücumçu Musa Qurbanlı yenidən heyətə cəlb olunub.
22 yaşlı forvardla üç illik müqavilə imzalanıb. İsveçin “Yurqorden” klubundan transfer olunan futbolçu 2027-ci ilin yayına qədər komandada çıxış edəcək.
M.Qurbanlı peşəkar karyerasına “Qarabağ”da başlayıb. O, 2019-2020-ci illərdə "köhlən atlar"ın formasını geyinib. Oyunçu 2021-ci ilin ilk yarısında icarə əsasında “Zirə”də çıxış edib. 2021-ci ilin iyunundan "Qarabağ"ın uğurları üçün çalışan Musa 2023-cü ilin yayında Ağdam təmsilçisindən İsveç klubuna transfer edilib.
Qeyd edək ki, Musa Qurbanlı Azərbaycan milli komandasında 14 oyunda 3 qol vurub.
Onu da xatırladaq ki, "Qarabağ" daha əvvəl xorvatiyalı qapıçı Fabiyan Buntiçlə müqavilə imzalayıb.
