Moskva-Pxenyan müdafiə paktı avtoritar rejimlərin əməkdaşlığının gücləndiyini göstərir.
“Voice of America”nın məlumatına görə, bunu NATO-nun Baş katibi Yens Stoltenberq Kanadaya səfəri zamanı deyib.
O xatırladıb ki, İran, Çin və Şimali Koreya Ukrayna müharibəsində Rusiyaya hərtərəfli hərbi dəstək göstərirlər: “Biz anlamalıyıq ki, zaman keçdikcə avtoritar rejimlər daha da sıx birləşir və bir-birinə güclü dəstək verirlər. Rusiyanın Asiya-Sakit okean regionu ölkələri ilə əməkdaşlığının güclənməsi NATO ilə burada yerləşən dövlətlər arasında əlaqələrin inkişafının vacibliyini ortaya qoyur. Avstraliya, Yaponiya, Yeni Zelandiya və Cənubi Koreyanın NATO-nun iyulda keçiriləcək sammitinə dəvət olunması da məhz bununla əlaqədardır”, – deyə Y. Stoltenberq vurğulayıb.
