Adil Abış oğlu Əliyev Bakı şəhəri Suraxanı Rayon İcra Hakimiyyətinin başçısı təyin edilib.
Senzor.az bildirir ki, Prezident İlham Əliyev bununla bağlı müvafiq Sərəncam imzalayıb.
Qeyd edək ki, A.Əliyev VI çağırış Milli Məclisin vitse-spikeri olub.
**12:15
Milli Məclisin vitse-spikerinin Bakının rayonlarından birinə icra başçısı təyin olunacağı ilə bağlı xəbər yayılıb.
“AzPolitika.info” saytı yazıb ki, redaksiyalarına daxil olan məlumata görə bu barədə Prezident sərəncamı tezliklə elan olunacaq.
Sayt yazır ki, məlumatda təyinat gözləyən vitse-spikerin kimliyi dəqiqləşdirilmir, amma çox böyük ehtimalla, bu, Adil Əliyevdir.
Məsələ ilə bağlı yayılan məlumatı dəqiqləşdirmək üçün Musavat.com Adil Əliyevlə əlaqə saxlayıb. A.Əliyev yazılanlara bu cür reaksiya verib: "Rəsmi xəbər olmadığı halda bir söz deyə bilmərəm".
