Türkiyəli futbolçu Arda Turanın anası Yüksel Turan həbs edilib.
Senzor.az yerli KİV-ə istinadən bildirir ki, o, "tikinti çirklənməsinə səbəb olmaq" ittihamı ilə 10 ay müddətinə azadlıqdan məhrum edilib.
O, evində qanunsuz tikinti aparmaq ittihamı ilə mühakimə olunub.
Bayrampaşa Bələdiyyəsi tərəfindən aparılan araşdırmalarda zirzəmi, 1, 2 və 3-cü mərtəbələrdən ibarət binada yaşayış olduğu halda Y.Turanın tikiliyə qeyri-qanuni çardaq əlavə etdiyi müəyyən edilib.
Bildirilib ki, Yüksel Turana verilən həbs cəzası hüquqi proseslər tamamlanaraq və hüquqi prosedurlar həyata keçirilməklə yerinə yetiriləcək.
