Gürcü xalqı 95 milyon dollara sülhü müharibəyə dəyişməz.
"Report" xəbər verir ki, bu barədə Gürcüstan parlamentinin deputatı Quram Maçaraşvili bildirib.
“Siz gürcü xalqına maliyyə yardımından imtina edəndə və eyni zamanda, Gürcüstan dövlətinə qarşı yönəlmiş qeyri-hökumət sektorunu maliyyələşdirəndə, əlbəttə ki, burada dostluqdan söhbət gedə bilməz”, - deyə Q.Maçaraşvili deyib.
Qeyd edək ki, ABŞ dövlət katibi Antoni Blinken qəbul edilən “Xarici təsirin şəffaflığı haqqında” qanuna görə Gürcüstan hökumətinə maliyyə yardımının dayandırıldığını bəyan edib.
ABŞ Dövlət Departamentinin mətbuat katibinin müavini Vedant Patel isə bəyan edib ki, ABŞ Gürcüstan hökuməti üçün dayandırdığı maliyyə yardımını QHT-lərə və mediaya ayıracaq.
