Tbilisi Şəhər Məhkəməsində Gürcüstanın keçmiş prezidenti Mixail Saakaşvili barəsində, digər işlərlə bağlı hazırda həbsdə olmasına baxmayaraq, sərhədi qanunsuz keçmə ittihamı üzrə həbs qətimkan tədbiri seçilib.
Senzor.az yerli KİV-ə istinadən bildirir ki, qərar prokurorun təqdimatı əsasında verilib.
Hakim Mixail Jinjolia bildirib ki, məhkəmədə işə yenidən baxılacaq, həbs qərarına gəlincə, “hökm çıxarılarkən şahidlərə təzyiq və dəlillərin məhv edilməsi riskləri nəzərə alınıb”.
Qeyd edək ki, keçmiş prezident M.Saakaşvili 2021-ci il sentyabrın 29-da Gürcüstanın dövlət sərhədini qanunsuz keçərək ölkəyə gəlib və həmin il oktyabrın 1-də həbs olunub. O, bu müddətin 6 aydan az hissəsini həbsdə, qalanını isə xəstəxanada keçirib.
