Rusiyanın Yerevandakı fövqəladə və səlahiyyətli səfiri Sergey Kopırkin Ermənistan-Türkiyə sərhədində olub.
“Report” xəbər verir ki, bu barədə səfirliyin “Facebook” səhifəsində məlumat verilib.
Bildirilib ki, səfir məzuniyyəti çərçivəsində ailəsi ilə birlikdə Armavir vilayətinə səfər edib.
S.Kopırkin səfər zamanı həmçinin Rusiya Federal Təhlükəsizlik Xidmətinin Sərhəd İdarəsinin Ermənistan-Türkiyə sərhədindəki zastava və postlarına da baş çəkib, sərhədçilərlə görüşüb.
