Milli Məclisin (MM) 2026-cı il yaz sessiyası başa çatıb.
Senzor.az bildirir ki, sessiyaya parlamentin bu gün keçirilən plenar iclasında yekun vurulub.
Spiker Sahibə Qafarova sessiyanın yekunları haqqında məlumat verib.
Milli Məclisin sədri bildirib ki, 2026-cı ilin yaz sessiyası ərzində MM-in 15 iclası keçirilib, 57 qanun, 19 qərar qəbul edilib. O qeyd edib ki, Milli məclis sessiya ərzində nəzərdə tutulan işləri tam həyata keçirib.
İclasda Dövlət Himninin səsləndirilməsi ilə sessiya bağlı elan edilib.
Qeyd edək ki, Milli Məclisin Daxili Nizamnaməsinə əsasən, yaz sessiyası fevralın 1-də başlayır və mayın 31-dək davam edir.
