Rusiya Prezidenti Vladimir Putin Azərbaycan Prezidenti İlham Əliyevi və Ermənistanın Baş naziri Nikol Paşinyanı dövlətlərarası münasibətləri müzakirə etmək üçün Rusiyaya növbəti üçtərəfli sammitə dəvət edib.
TASS xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Onun sözlərinə görə, sammitdə üçtərəfli və ikitərəfli məsələlərin bütün sahələr üzrə müzakirəsi planlaşdırılır.
Senzor.az xatırladır ki, bu barədə dünən “Vedomosti” nəşri də məlumat yaymışdı.
Qeyd olunurdu ki, danışıqlar oktyabrın son günlərində keçirilə bilər. Görüş yeri kimi Moskva və Soçi şəhərlərinin adı çəkilirdi.
“Çox güman ki, danışıqlar Soçidə keçiriləcək”, - deyə nəşr vurğulamışdı.
