Elnur Əli oğlu Əliyev Azərbaycan mədəniyyət nazirinin birinci müavini vəzifəsindən azad edilib.
Senzor.az xəbər verir ki, Prezident İlham Əliyev noyabrın 3-də bununla bağlı sərəncam imzalayıb.
Sərəncam imzalandığı gündən qüvvəyə minir.
**10:16
Noyabrın 1-də Dövlət Təhlükəsizliyi Xidmətinin (DTX) Mədəniyyət Nazirliyində xüsusi əməliyyatla saxladığı bildirilən nazirin birinci müavini Elnur Əli oğlu Əliyev işinin başındadır.
Bu barədə modern.az-a Mədəniyyət Nazirliyi Mətbuat Xidmətinin rəhbəri vəzifəsini icra edən Nuridə Allahyarova məlumat verib.
"Elnur Əliyev nazirin birinci müavinidir. Onun işə çıxmaması üçün hər hansı səbəb yoxdur", - N.Allahyarova bildirib.
Qeyd edək ki, yerli mətbuatda yayılan məlumatlarda E.Əliyevin DTX-nın Mədəniyyət Nazirliyində keçirdiyi əməliyyat zamanı istintaqa cəlb edildiyi bildirilirdi.
