Xəbər verdiyimiz kimi, Azərbaycanın məşhur araşdırmaçı-jurnalisti, rusdilli haqqin.az portalının rəhbəri Eynulla Fətullayev xeyli vaxtdır ki, Ukraynadadır. O, qanlı döyüşlərin getdiyi yerlərdən demək olar, hər gün müxtəlif reportajlar, video-xronikalar hazırlayıb yayır, Ukraynanın aparıcı, tanınmış hərbi-siyasi, ictimai xadimlərindən maraqlı müsahibələr götürür.
Senzor.az bildirir ki, E.Fətullayevin budəfəki müsahibi Krivoy - Roq şəhəri Hərbi Administrasiyasının rəhbəri, Ukrayna Baş nazirinin sabiq müavini, tanınmış siyasətçi Aleksandr Vilkuldur. Ən paradoksal olanı odur ki, keçmişdə A.Vilkul da atası Yuri Vilkul kimi - Regionlar Partiyasının görkəmli nümayəndəsii olaraq, özünü Rusiya ilə sıx münasibətləri müdafiə edən siyasətçi kimi təqdim edib.
Müharibə başlayandan sonra isə Aleksandr Vilkul şəhərin müdafiəsinə rəhbərlik edib və rus ordusuna şiddətli müqavimət göstərib. Vilkulun özü bu metamorfoz və çevrilməni necə izah edir? Üstəlik, Vilkul söhbət zamanı Rusiyanın Ukraynada taktiki nüvə silahından istifadə edəcəyinə əminliyini ifadə edib... Bundan sonra nə olacaq? Bəs Hərbi Administrasiya rəhbəri niyə siyasətdən mütləq gedəcəyini deyir?
Bu və digər sualların cavabı E.Fətullayevin haqqin.az-a istinadən təqdim etdiyimiz növbəti video-müsahibəsində:
