Bakının Xətai rayonunda əyləncə mərkəzində bədbəxt hadisə baş verib.
APA xəbər verir ki, hadisə Afiyyədin Cəlilov küçəsi 22 ünvanında yerləşən əyləncə mərkəzində qeydə alınıb.
İran vətəndaşı, 1972-ci il təvəllüdlü Hossein Yazdani suya baş vurmaq üçün hovuza atlanıb.
Bu zaman onun başı hovuzun kənarına çırpılıb.
O, açıq kəllə-beyin travması alaraq xəstəxanaya yerləşdirilib.
Həkimlər yaralının vəziyyətinin stabil olduğunu bildirirlər.
Qeyd edək ki, H.Yazdani İranın Azərbaycanda səfirliyinin ikinci katibidir.
