İran parlamentarilərindən ibarət nümayəndə heyəti Kollektiv Təhlükəsizlik Müqaviləsi Təşkilatı (KTMT) Parlament Assambleyasının bazar ertəsi, dekabrın 5-də keçiriləcək iclasında iştirak etmək üçün Moskvaya gedib.

Senzor.az bildirir ki, bu barədə Rusiya mətbuatı məlumat yayıb.

Qeyd olunub ki, nümayəndə heyətinə İran İslam Şurası Məclisi milli təhlükəsizlik və xarici siyasət komissiyasının sədri Vahid Cəlalzadə rəhbərlik edir.

"İranlı parlamentarilər Moskvada həmkarları ilə danışıqlar aparacaq və bazar ertəsi KTMT Parlament Assambleyasının iclasında iştirak edəcəklər", - məlumatda deyilir.

Daha əvvəl bildirilmişdi ki, Tehran etirazları yatırmaq üçün onlara avadanlıq və təlim verməklə bağlı Rusiyadan yardım istəyib.

Senzor.az