Azərbaycan müdafiə nazirinin sabiq müavini, Müdafiə Nazirliyi Əməliyyat idarəsinin keçmiş rəisi Elbrus Orucov ilk dəfə Azərbaycanın yeni tarixinin ağ səhifələrinə işıq salmağa razılıq verib.

Senzor.az bildirir ki, təxminən 30 il media nümayəndələri ilə təmasdan imtina edən general E.Orucov məşhur azərbaycanlı jurnalist, rusdilli haqqin.az portalının rəhbəri  Eynulla Fətullayevlə söhbətində Azərbaycan ictimaiyyətinə 1992-ci ildə Şuşa şəhərinin qəsdən təslim edilməsini təsdiqləyən sensasion faktlar açıqlayıb.

Şəhəri təslim etmək əmrini kim verib? Azərbaycan qoşunları şəhəri niyə tərk ediblər? Şəhəri azad etmək üçün əks-hücumun qarşısını kim alıb? Şuşa batalyonunun səhra komandiri Ramiz Qəmbərovu kim güllələyib? Bəs Azərbaycanın bənzərsiz şəhərinin təslim edilməsinin təşkilatçıları hansı məqsədi güdürdülər?

Şok açıqlamaların və cox ciddi ittihamların yer aldığı bu söhbətə mütləq baxın. E.Orucovun üç saatlıq söhbəti, necə deyərlər, birnəfəsə baxılır... 

Onu da qeyd edək ki, söhbət dekabrın 8-də saat 21:00-dan haqqin.az saytında və Eynulla Fətullayevin Youtube kanalında canlı yayımlanıb.

Senzor.az