Dekabrın 11-i saat saat 20 radələrində Gəncə şəhərində 1980-ci il təvəllüdlü Əli Bayramovun qəsdən öldürülməsi barədə məlumat daxil olub.
Senzor.az bildirir ki, Baş Prokurorluq və Daxili İşlər Nazirliyinin yaydığı birgə məlumatda belə deyilir.
Qeyd olunub ki, aparılmış araşdırmalarla 4 nəfər arasında baş vermiş mübahisə zamanı Əli Bayramov və onun 2000-ci il təvəllüdlü oğlu Ayxanın tanışları - 1994-cü il təvəllüdlü Niyazi Bayramov və sonuncunun qardaşı, 1986-cı il təvəllüdlü Kamal Bayramova bıçaq xəsarətləri yetirməsinə, K.Bayramovun isə buna cavab olaraq odlu silahdan atəş açaraq Əli Bayramovu qəsdən öldürməsinə əsaslı şübhələr müəyyən edilib.
Prokurorluq və polis əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib.
Niyazi və Kamal xəstəxanaya yerləşdirilib, stasionar şəkildə müalicəsi davam etdirilir.
Faktla bağlı Gəncə Şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Hazırda iş üzrə istintaq davam edir.
**21:22
Gəncə şəhərində kütləvi dava olub.
"Report"un məlumatına görə, şəhər ərazisində baş vermiş hadisə yerinə polis əməkdaşları cəlb olunub.
Olay nəticəsində bir nəfər güllələnərək öldürülüb, 2 nəfər isə bıçaqlanıb.
Hadisənin təfərrüatları hələ məlum deyil. İlkin versiyaya görə, insidentə səbəb borc pul söhbəti olub..
Faktla bağlı araşdırma aparılır.
