Ermənistanın baş naziri Nikol Paşinyan Azərbaycan Prezidenti İlham Əliyevlə görüşə hazır olduğunu bildirib.
Senzor.az-ın məlumatına görə, Paşinyan bu barədə Vilnüsdəki erməni icmasının nümayəndələri ilə görüşündə deyib.
“Hələ iyul ayında elan etmişdim ki, ən yüksək səviyyədə görüşlərə hazırıq - yəni xarici işlər nazirləri və baş nazir-prezident formatında”, - deyə o vurğulayıb.
Hökumət başçısı əlavə edib ki, Əliyevlə görüşə gedərkən bütün minalanmış ərazilərin xəritəsini götürməyə də hazırdır, amma əvəzində guya Azərbaycanda olan erməni əsirlər geri qaytarılmalıdır.
Xatırladaq ki, Prezident İlham Əliyev bundan öncə N.Paşinyanla görüşməyə hazır olduğunu demişdi. Yeri gəlmişkən, Azərbaycan Prezidenti son müsahibələrində bütün erməni əsirlərin qarşı tərəfə təhvil verildiyini də qeyd edib.
