Tanınmış iş adamı, "Baku Steel Company" şirkətinin keçmiş rəhbəri Rasim Məmmədovun məhkəməsi yekunlaşıb.
Senzor.az bildirir ki, dekabrın 28-də Bakı Ağır Cinayətlər Məhkəməsində hakim Leyla Məmmədovanın sədrliyi ilə keçirilən iclasda hökm oxunub.
Hökmə əsasən, R.Məmmədov 14 il müddətinə azadlıqdan məhrum edilib. Keçmiş şirkət rəhbəri təyin olunmuş cəzanı ciddi rejimli cəzaçəkmə müəssisəsində çəkməlidir.
Bundan başqa iş adamına və onun yaxınlarına məxsus üzərinə həbs qoyulmuş 70 milyon manat dəyərindəki əmlaklar da müsadirə olunub.
Xatırladaq ki, R.Məmmədov 2021-ci ildə DTX-nın keçirdiyi əməliyyatla həbs edilib. O, 185 milyon manatlıq yeyintidə təqsirli bilinirdi.
