İsrailin Rusiyadakı səfiri Aleksandr Ben Zvi ölkəsinin Silahlı Qüvvələrinin Qarabağda mövcud olması ilə bağlı fikrə münasibət bildirib.
Məlumatı “RİA Novosti” yayıb.
“İsrail hərbçilərinin Qarabağda olması haqqında danışmaq böyük axmaqlıqdır, bu fikir fantaziyadan başqa bir şey deyil. Bu məlumatlar cəfəngiyatdır”, – deyə jurnalistin sualını cavablandıran Aleksandr Ben Zvi vurğulayıb.
Səfir həmçinin əlavə edib ki, bu fikir Qarabağda marslıların olması kimi bir xəyala bənzəyir: “Düşünürəm ki, bu fikir böyük axmaqlıqdır, əgər biz Qarabağ bölgəsindən danışırıqsa, orada həm Rusiya, həm də Türkiyə var”.
Xatırladaq ki, İran və Ermənistan Azərbaycanı İsrail hərbçilərinin Qarabağa yerləşdirilməsində ittiham edir.
