ABŞ-ın keçmiş dövlət başçısı Corc Buşun hakimiyyəti dövründə Pentaqonun Aparat rəhbərinin müavini olmuş Maykl Doran Azərbaycan Prezidenti İlham Əliyevin Cəbrayıla səfəri çərçivəsində İsrail istehsalı “Harop” pilotsuz uçuş aparatı ilə olan fotosuna münasibət bildirib.
Senzor.az yerli KİV-ə istinadən bildirir ki, M. Doran İlham Əlieyin PUA ilə fotosunu rəsmi “Tvitter” səhifəsində paylaşaraq yazıb: “Niyə Azərbaycanı sevirəm? İran sərhədində qoşun toplayaraq İsraillə hərbi ittifaqını pozmasını tələb edir. Prezident İsrailin PAU -sını qucaqlayaraq cavab verir. İrana necə də düzgün cavabdır. Burada Baydenin komandası üçün dərs var”.
