Türkiyənin İsveçdəki səfirliyinin qarşısında Quran kitabı yandırılıb.
Senzor.az Türkiyə mətbuatına istinadən bildirir ki, aksiya İsveçin ifrat-sağçı siyasi təşkilatları tərəfindən təşkil edilib. Ekstremist siyasətçi Rasmus Paludan Quranı yandırmaq üçün hətta İsveç hökumətindən rəsmi icazə də alıb.
İsveçin xarici işlər naziri Tobias Bilstrem bu qərarı ölkədə söz azadlığının olması ilə əlaqələndirib.
Bu arada Türkiyənin xarici işlər naziri Mövlud Çavuşoğlu aksiyaya sərt münasibət bildirib.
O, İsveç hakimiyyətinin icazə verdiyi aksiyanı “alçaq və irqçi” adlandırıb. 
“Nifrət, ksenofobiya və irqçiliyin təzahürü söz azadlığı ilə heç bir əlaqəsi yoxdur! Ümid edirəm ki, İsveç hakimiyyəti lazımi tədbirləri görəcək. Əks halda, aksiyaya bütün dünyada kəskin mənfi reaksiya veriləcək”, - deyə Mövlud Çavuşoğlu vurğulayıb.
Senzor.az
