Azərbaycan Respublikasının Prezidenti İlham Əliyev ölkəmizin Tehrandakı səfirliyinə xain hücumla əlaqədar “Tvitter”də paylaşım edib.
Senzor.az bildirir ki, Prezident paylaşımda bu gün Tehrandakı səfirliyimizə qarşı törədilmiş terror aktını şiddətlə qınadığını bildirib. Səfirliyin və səfirlik əməkdaşlarının mühafizəsini təmin edərkən həlak olan baş leytenant Əsgərov Orxan Rizvan oğlunun ailəsinə və yaxınlarına dərin hüznlə başsağlığı verib.
Dövlətimizin başçısı bu terror aktının tezliklə araşdırılmasını və terrorçuların cəzalandırılmasını tələb edib: “Diplomatik nümayəndəliklərə qarşı terror hücumu qəbuledilməzdir!”.
— İlham Əliyev (@azpresident) January 27, 2023
