Azərbaycanın İrandakı səfirliyinə edilən terror hücumu nəticəsində şəhid olan baş leytenant Orxan Əsgərovun cənazəsi Azərbaycana gətirilib.
Senzor.az bildirir ki, şəhidin cənazəsini gətirən təyyarə Heydər Əliyev adına Hava Limanında eniş edib.
**21:24
Azərbaycanın İrandakı səfirliyinin əməkdaşlarını, yaralıları və şəhidimizin nəşini gətirən Azərbaycana məxsus təyyarə Tehranın hava limanından Bakıya yola düşüb.
**18:38
Azərbaycanın İrandakı səfirliyinə silahlı hücum nəticəsində şəhid olan baş leytenant Orxan Əsgərovun nəşi Tehran aeroportuna gətirilib.
Şəhidin atası Rizvan Əsgərov bildirib ki, oğlunun cənazəsi axşam saatlarında Heydər Əliyev adına Beynəlxalq Hava Limanında təhvil veriləcək.
Xatırladaq ki, yanvarın 27-si səhər saatlarında Azərbaycanın Tehrandakı səfirliyinə silahlı hücum edilib. Hücum dəf edilərkən diplomatik missiyanın mühafizəsinə cavabdeh olan Azərbaycan təhlükəsizlik qüvvələrinin əməkdaşı Orxan Əsgərov qəhrəmancasına həlak olub, daha iki nəfər yaralanıb. Hücum edən şəxs saxlanılıb.(AzVision.az)
**11:50
"Oğlumun nəşi hələ gətirilməyib. Maraqlanmışıq, bildiriblər ki, təyyarənin yola düşməsi üçün gözləyirlər".
Bunu Azərbaycanın İrandakı səfirliyinə silahlı hücum nəticəsində şəhid olan baş leytenant Orxan Əsgərovun atası Rizvan Əsgərov deyib.
Azərbaycan Xarici İşlər Nazirliyinin mətbuat xidməti idarəsinin rəisi Ayxan Hacızadə bildirib ki,
Orxanın nəşinin Azərbaycana bu gün günorta saatlarında gətirilməsi gözlənilir.
"Böyük ehtimalla bu gün günorta saatlarında artıq təhvil veriləcək. Müəyyən prosedurlar var ki, onlara uyğun hərəkət edilir", XİN sözçsü deyib.
Xatırladaq ki, yanvarın 27-si səhər saatlarında Azərbaycanın Tehrandakı səfirliyinə silahlı hücum edilib. Hücum dəf edilərkən diplomatik missiyanın mühafizəsinə cavabdeh olan Azərbaycan təhlükəsizlik qüvvələrinin əməkdaşı Orxan Əsgərov qəhrəmancasına həlak olub, daha iki nəfər yaralanıb. Hücum edən şəxs saxlanılıb.
