Rusiya Prezidenti Vladimir Putin Ukraynanın Donetsk vilayətinin işğal altında olan Mariupol şəhərinə işgüzar səfər edib.

Senzor.az bildirir ki, Rusiya KİV-i bu barədə Kremlə istinadən məlumat yayıb.

Putinin Mariupolda bir sıra obyektlərə baxış keçirdiyi, yerli sakinlərlə söhbət etdiyi bildirilir. Onun Mariupola helikopterlə gəldiyi, sonra avtomobillə şəhərin bir neçə ərazisinə, o cümlədən, yaxta klubunun yaxınlığındakı Mariupol sahil xəttinə baş çəkdiyi qeyd olunur. 

O da vurğulanır ki, Vladimir Putin Rostov-Donda komanda məntəqəsində görüş keçirib. "Dövlət başçısı Rusiy Federasiyası Silahlı Qüvvələrinin Baş Qərargah rəisi Valeri Gerasimov və bir sıra hərbi rəhbərlərin məruzələrini dinləyib", - deyə Kremldən bildiriblər.