İran Baş Qərargah rəisi Məhəmməd Bagiri Rusiyaya səfər edəcək.
 
Axar.az xəbər verir ki, bunu İranın Rusiyadakı səfirliyinin hərbi attaşesi Rza Xosravi Müqəddəm deyib.
 
Səfərin Rusiya müdafiə naziri Sergey Şoyqunun dəvəti ilə baş tutacağı vurğulanıb.
 
Generalın səfər zamanı Rusiyanın rəsmi şəxsləri ilə hərbi sferada, terrorizmlə mübarizədə əməkdaşlıq, eləcə də regional və beynəlxalq məsələləri müzakirə edəcəyi bildirilib.
 
Səfər gələn həftəyə planlaşdırılıb.
 
Qeyd edək ki, M.Bagiri 12 oktyabrda Pakistana səfər etmişdi.