Azərbaycanın tanınmış araşdırmaçı jurnalisti, populyar rusdilli Haqqin.az portalının rəhbəri Eynulla Fətullayev dünən axşam Facebook-da İsraildəki gərginliyin qısaca izahını vermişdi: “Hadisələrin, daha doğrusu, "xalq üsyanının" müəllifi elə Baş nazir, nəhəng siyasətçi Netanyahunun özüdür! Son seçkilərdə Netanyahu ultra sağlarla - marginallarla koalisyaya daxil olmağa məcbur oldu. Əks halda hökuməti formalaşdıra bilməyəcəkdi.
Bibi faktiki olaraq öz mütəffiqlərindən asılı vəziyyətə düşmüşdü. Və bu asılılığı aradan qaldırmaq üçün müttəfiqlərinin "məhkəmə islahatı" təklifini ortaya atıb, digər tərəfdən xalqı ayağa qaldırdı.
Ustalıqla ortodokslardan asılılığa son qoydu... Hakimiyyət ustasının parlaq oyunu! 1-2 saata "islahat" geri oxunacaq, ortodokslar isə öz yerini tutacaq. Afərin!”.
Bu gün səhər saat 08:23-də isə portal özünün Valeriy Kantor adlı müəllifinin Tel-Əvivdən hazırladığı analitik yazısını yayıb.
Senzor.az mövzunun aktuallığını və məsələyə tam fərqli prizmadan yanaşıldığını nəzərə alaraq həmin yazını (https://haqqin.az/news/278614)
öz oxucularına təqdim edir.