“Əlbəttə, İslamın müqəddəs məkanlarına, xüsusilə Məkkə, Mədinə və Məscidül-Əqsaya istənilən hücum qətiyyətlə pislənilir”.
“Teleqraf” xəbər verir ki, bunu İran Xarici İşlər Nazirliyinin sözçüsü İsmayıl Bəqayi deyib.
İranlı diplomat həmçinin əlavə edib ki, Səudiyyə Ərəbistanının Məkkə şəhərinə doğru hərəkət edən dronun məhv edilməsi barədə hesabatı husiləri bu hücumu həyata keçirməkdə ittiham etmək üçün əsas ola bilməz.
Xatırladaq ki, Səudiyyə Ərəbistanı Xarici İşlər Nazirliyi bundan əvvəl iki dəfə Yəmənin üsyançı “Ənsarallah” Hərəkatının (husilər) Məkkə şəhərinə hücumunun qarşısının alındığını açıqlayıb.
Türkiyə, Pakistan və digər bölgə ölkələri husilərin Məkkəyə hücumunu pisləyən bəyanat veriblər.
