FETÖ-nün Azərbaycan strukturunun rəhbərlərindən biri və təşkilatın maliyyələşməsinin təşkilatçılarından olan Mehmet Cintosun Türkiyə Milli İstihbarat Teşkilatı tərəfindən İraqda keçirilən xüsusi əməlliyyat zamanı yaxalanıb və Ankaraya gətirilib.
Senzor.az Türkiyə mətbuatına istinadən bildirir ki, Ankaradakı diplomatik mənbələrindən verilən məlumata görə, M.Cintosun 1995-2014-cü illərdə FETÖ-nün Azərbaycan strukturunda "rəhbər şəxs" kimi fəaliyyət göstərib.
O, 2014-cü ildə Türkiyəyə qayıdıb və 2016-cı ilin 15 iyulunda baş verən çevrilişə cəhddən sonra Türkiyədən qaçıb.
Cintosun qaçandan sonra da Türkiyədəki FETÖ üzvlərini maliyyələşdirərək xaricdə terror təşkilatı üçün fəaliyyətini davam etdirib.
Kəşfiyyat xidmətlərinin məlumatına görə, Cintosun terror cinayət təşkilatının liderləri Bahattin Karataş, Harun Tokak və Talip Büyük ilə birlikdə FETÖ-çülərə Türkiyə sərhədini qanunsuz keçdikləri üçün maddi-texniki dəstək verən maliyyə strukturu yaradıb.
Senzor.az
