Ermənistan prezidenti Vaaqn Xaçaturyan baş nazir Nikol Paşinyanla görüşündə hökumətin regionda sülhün bərqərar edilməsi siyasətini tam dəstəklədiyini bəyan edib.

Senzor.az bildirir ki, bu barədə Ermənistan prezidentinin mətbuat xidməti məlumat yayıb.

Xaçaturyan Paşinyanın Ermənistanın Azərbaycanın ərazi bütövlüyünü tanımasını və Azərbaycandan da bunu gözləməsi mesajlarını mühüm adlandırıb.

"Bunlar sadəcə sözlər deyil, yekun sülhün bərqərar olmasına real münasibətdir, - Xaçaturyan deyib.

Xaçaturyan Paşinyanı əmin edib ki, "öz imkanları çərçivəsində" regionda sülhün bərqərar olması üçün onun həyata keçirdiyi bütün proqramları dəstəkləyəcək.

Nikol Paşinyan da öz növbəsində prezidentlə görüşləri vacib adlandırıb. Paşinyan hesab edir ki, xalq hakimiyyətin müxtəlif qolları və dövlət aparatının səmərəli fəaliyyəti arasında institusional əlaqəni görməlidir.