Bir neçə ay idi ki, bütün dünya Ukrayna ordusunun əks-hücumunu gözləyirdi. Amma heç kimin ağlına da gəlməzdi ki, Ukrayna ordusunun əks-hücum əməliyyatı Rusiya və Ukrayna qoşunlarının təmas xəttində deyil, Rusiyanın dərin arxa cəbhəsində başlayacaq. Moskvaya pilotsuz təyyarələrin hücumları, Belqorod, Kursk, Krasnodar və digər Rusiya şəhərlərinə zərbələr, eləcə də özünün, ölkəni Moskvadan Vladivostoka qədər azad etmək üçün yaradıldığını elan etmiş Rusiya könüllü ordusunun müdaxiləsi Ukrayna Baş Qərargahının genişmiqyaslı xüsusi əməliyyatının başlanmasına, necə deyərlər, uvertüra oldu.
Azərbaycanın tanınmış jurnalisti, rusdilli populyar Haqqin.az portalının rəhbəri Eynulla Fətullayevin müəllifi və aparıcısı olduğu "Eynulla Fətullayevin söhbətləri" proqramının budəfəki qonağı məşhur amerikalı politoloq Ceyson Smart əmindir ki, Ukraynanın əks-hücumu başlayıb.
Dosye: Ceyson Cey Smart 1979-cu ildə Konnektikutda (ABŞ) anadan olub. George Mason Universitetini bitirib, Rusiyanın siyasi sistemi ixtisası üzrə mütəxəssisdir. 2011-ci ildə isə Virciniya Universitetində ictimai təhlükəsizlik ixtisası üzrə təhsil alıb. Rusiyada Kennan İrəli Araşdırmalar İnstitutunda işləyib.
2008-ci ildə o, əfsanəvi ABŞ senatoru, prezidentliyə namizəd Con Makkeynin seçki qərargahına rəhbərlik edib. Eyni zamanda Şərqi Avropa və MDB ölkələrində tədqiqatlarını davam etdirib.
2009-2010-cu illərdə Vaşinqtonda Beynəlxalq Respublikaçılar İnstitutunda Rusiya Tədqiqatları Layihəsinin rəhbəri olub. Sonralar Qırğızıstanda institutun kuratoru işləyib. Rusiya kəşfiyyat orqanları Ceyson Smartı Bişkekdə “narıncı inqilab” hazırlamaqda ittiham edib. O, Moldovanın hazırkı Prezidenti Maya Sandunun məsləhətçisi olub.
2015-ci ildə Ukrayna Təhlükəsizlik Xidməti rəhbərinin məsləhətçisi işləyib.
“Ukraynanın azadlığı uğrunda” qeyri-hökumət təşkilatına rəhbərlik edir.
Rusiya Federasiyasında "persona non-qrata" elan edilib...
Senzor.az Ukrayna Silahlı Qüvvələrinin əks-hücumu və Rusiyanın qlobal məğlubiyyəti, eləcə də digər aktual məsələlər barədə iki məşhur və məlumatlı peşəkarın maraqlı video-söhbətini öz oxucularına təqdim edir.
Mütləq baxın...