Ermənistanın baş naziri Nikol Paşinyanın 19 oktyabr 2020-ci il tarixində müxalif “Daşnaksütyun” partiyasının parlamentdənkənar rəsmiləri ilə görüşünün bəzi detalları məlum olub.“Report” xəbər verir ki, bu barədə “Hayastan” (Ermənistan – red.) blokundan deputat seçilən İşxan Saqatelyan məlumat verib.
O qeyd edib ki, görüş gərgin keçib: “Oktyabrın 19-da o, (Nikol Paşinyan- red.) müşavirəyə onunla başladı ki, vəziyyət ağırdır, itkilərimiz çoxdur. Soruşdum ki, heç olmasa status məsələsi (Dağlıq Qarabağ – red.) varmı, o, “yox” cavabını verdi. Ona xitabən dedim: “Sən 23-24 gün “biz qalib gələcəyik” deyə qışqırırdın, indi deyirsən ki, kapitulyasiyaya imza atacaqsan?!”. Cavab verdi ki, “vəziyyət belədir” və ondan əvvəlki rəhbərlik yaxşı miras qoymayıb”.Deputat əlavə edib ki, kapitulyasiya Ermənistanın məhv olması deməkdir.
