Türkiyə Prezidenti Rəcəb Tayyib Ərdoğan Romada keçirilən “G20” sammiti çərçivəsində fransalı həmkarı Emmanuel Makronla görüşdə Cənubi Qafqazı müzakirə edib.Senzor.az bildirir ki, bunu səfərdən qayıdarkən təyyarədə jurnalistlərə R.T.Ərdoğan özü deyib.
“Makron Cənubi Qafqaz məsələsini gündəmə gətirdi. Biz dedik ki, keçən həftə oradaydıq (Azərbaycanda – red.) və hazırda Cənubi Qafqazda müsbət addımlar atılır. Qardaşımız, Prezident İlham Əliyev də bu müsbət addımları qətiyyətlə davam etdirmək istəyir”, - Ərdoğan vurğulayıb.Əlavə edib ki, regionda “altılıq” platformanın yaradılması məsələsi gündəmdədir: "Rusiya, Azərbaycan, Türkiyə, İran, Gürcüstan və Ermənistan razılaşsa, burada sülh platforması yaradacağıq. Əgər bu baş verərsə, doğru addım olacaq".
