Azərbaycan, Ermənistan və Rusiya liderləri arasındakı razılaşmaya əsasən, Rusiya Sülhməramlı Kontingenti Azərbaycanın Qarabağ bölgəsində 2025-ci ilə qədər olmalıdır.
Senzor.az bildirir ki, Türkiyə Prezidenti Rəcəb Tayyib Ərdoğan bunu NATO-nun Vilnüs sammitindən sonra keçirdiyi mətbuat konfransında deyib.
“2025-ci ildə Rusiya bu ərazini tərk etməlidir. Razılaşmalar da bu istiqamətdədir. İnanıram ki, Rusiya bu razılaşmaya sadiq qalacaq”, - Türkiyə lideri jurnalistin rus sülhməramlıları ilə bağlı sualını cavablandırarkən vurğulayıb.
Ərdoğan, həmçinin əlavə edib ki, Azərbaycan Prezidenti İlham Əliyev də bu prosesi diqqətlə izləyir.
