Azərbaycan əsilli Türkiyə siyasətçisi, strateji təhqiqatçı və keçmiş MHP-li deputat, Türkiyə Strateji Araşdırmalar Mərkəzinin rəhbəri, 2023-cü ilin may ayında Türkiyədə keçirilmiş prezident seçkilərində ATA ittifaqından prezidentliyə namizəd Sinan Oğan Real TV-nin əməkdaşı Vəfa Ağabalayevaya geniş müsahibə verib.

O, müsahibəsində bir çox məqamlara aydınlıq gətirib. Məsələn:

-Sinan Oğan seçkilər vaxtı onu və ailəsini təhqir və təhdid edənləri məhkəməyə veribmi?

-Hələ SSRİ vaxtında Türkiyə polisi Azərbaycandan aldığı məktublara görə onun evinə niyə basqın edibmiş?

-Kamal Kılıçdaroğlu ilə 1 saatlıq görüşdə Azərbaycan haqqında nələr danışılıb?

-“Zəngəzur dəhlizi” layihəsinə qarşı təxribatda kimlər iştirak edib?

-Sinan Oğanın Azərbaycanda həqiqətənmi neft yataqları var və o, onlardan milyonlar qazanır? 

-Azərbaycan Prezidenti İlham Əliyev  Türkiyədəki seçkilərin ikinci turu ərəfəsində Sinan Oğana doğrudanmı zəng vurub?

-Seçkilərdən sonra Türkiyə Prezidenti Rəcəb Tayyib Ərdoğanın Azərbaycana səfərində Sinan Oğanın onu müşayiət edənlər arasında olması kimin təklifi imiş və bunu onun Türkiyədə və ya Azərbaycanda hansısa yüksək dövlət postuna gətiriləcəyinin anonsu hesab etmək olarmı?

Məşhur siyasətçi müsahibə boyu indiyədək heç yerdə, hətta Türkiyə mətbuatında belə açıqlamadığı nüanslara da toxunub. Bir zözlə, olduqca maraqlı müsahibədir. 

Senzor.az bütün bunları və Sinan Oğan şəxsiyyətinə xüsusi maraq olduğunu nəzərə alaraq həmin müsahibəni öz oxucularına təqdim edir. Mütləq baxın...