Ermənistan sülhün bərqərar olunması üçün fürsətdən yararlanmalı və əməkdaşlığa sadiq qalmalıdır.“Anadolu”nun məlumatına görə, bu barədə Türkiyə Milli Təhlükəsizlik Şurasının Ankarada Prezident Rəcəb Tayyib Ərdoğanın sədrliyi ilə keçirilən iclasının yekunlarına dair bəyanatda deyilir.
“Ermənistan ona uzadılan sülh əlini şans kimi dəyərləndirməli, atəşkəs rejiminə tam əməl etməli və əməkdaşlığa sadiqlik nümayiş etdirməlidir”, - deyə sənəddə xüsusi qeyd olunub.
Həmçinin, bildirilib ki, Ankara Türkiyənin qonşuları arasında fikir ayrılıqlarının beynəlxalq hüquq normaları və onların ərazi bütövlüyünə hörmət çərçivəsində həllinin tərəfdarıdır.
