Dehli və İrəvan Ermənistan ordusunun ehtiyacları üçün “Akaş” hava hücumundan müdafiə (HHM) sistemlərinin alınmasına dair saziş imzalayıblar.
Senzor.az bildirir ki, bu barədə Hindistanın “The Economic Times” nəşri məlumat yayıb
Müqavilənin dəyərinin təqribən 720 milyon dollar olduğu bildirilir.
Yeri gəlmişkən, bu mövzuda danışıqların aparılması ilə bağlı məlumatlar daha əvvəl ortaya çıxsa da nə İrəvan, nə də Dehli bunu təsdiqləməyiblər.
Xatırladaq ki, “Akaş” Hindistanın “Bharat Dynamics Limited” (BDL) şirkəti tərəfindən istehsal olunan, həssas əraziləri və nöqtələri hava hücumlarından qorumaq üçün nəzərdə tutulmuş qısa mənzilli zenit-raket kompleksidir. İstehsalçının vebsaytına əsasən, mobil platformalarda yerləşdirilən bu hava hücumundan müdafiə sistemi 4-25 kilometr radiusda helikopterləri, döyüş təyyarələrini və pilotsuz uçuş aparatlarını (PUA) effektiv şəkildə vurmağa qadirdir.
“EurAsianTimes" isə bir az əvvəl yazmışdı ki, “Akaş” “Bakı tərəfindən istifadə edilən silahlı PUA-larla mübarizə aparmaq üçün İrəvanın ehtiyaclarına ideal şəkildə uyğundur. Amma Ermənistan bununla kifayətlənmir. O, Hindistandan kamikadze dronlar, “hava-yer” və “yer-yer” raketləri almaqda da maraqlıdır”.
Senzor.az
