Fevralın 7-nə çox az qalır. Taleyimizin Şərəf Lövhəsində, Tariximizin Vitrinində Xalqımızın bütün Əzəməti ilə görünəcəyi gündən bizi təxminən iki həftə ayırır! 

“Qalib Xalq nə boyda olur?” sualının doğru cavabı-BİZ olacağıq, hər səsvermə məntəqəsi önündə nümayiş etdirəcəyimiz misilsiz seçici fəallığı olacaq. Üzü seçki məntəqələrinə yaradacağımız növbələr olacaq! 

İndi isə sualım: səsvermə məntəqələrini suveren və ərazi bütövlüyü təmin edilmiş Azərbaycan naminə ziyarətə kim və necə hazırlaşır? Buna qədər çox səsverməmiz olub. Amma beləsi ilk dəfə olacaq. Hər bir azərbaycanlının özünü tarixi şəxsiyyətə çevirəcəyi günün əhəmiyyətini hamımız-bütün miqyası ilə dərk edirikmi? Başa düşürəm, vətəndaş xoşbəxtliyimizin miqyası o qədər böyükdür ki, yəqin eyforiya bunu tam anlamağa mane də olur. Amma Şuşa, Laçın, Xankəndi, Kəlbəcər, Ağdam… və daha neçə şəhərimizi, qəsəbəmizi, kəndimizi görünməmiş fədakarlıqlar hesabına geri qaytaran şəhid və qazilərimiz görməlidir ki, onların şərəfinə, canını Bayrağımıza tapşırıb əldə etdikləri yüksəkliklərə biz necə LAYİQİNCƏ!!!-səs veririk! Səsimizi bax o zirvələrə çatdırmaq naminə, hər bir kiçik dövlət-Ailə, böyük dövlətə-AİLƏYƏ öz səsiylə necə qovuşacaq? Həyatımızın 7 Fevralını-Ən Böyük Milli Gününü-Vahid, Bütöv, Suveren Səsverməmizi-Azərbaycanda bizim, planet boyu isə bütün Dünya Azərbaycanlılarının faktiki və rəmzi fləşmobuna çevirməyə kim və necə gedəcək?

P.S. ( Cavablarınızı gözləyirəm! Ən azı deyə bilərsiniz ki, 100 yaşlı babanızı, nənənizi özünüz aparacaqsınız səs verməyə: son nəfəsdən əvvəl son səsdir!)

Mir Şahin Ağayev,

Real TV-nin direktoru